Tunuliaqutaq/isumassarsiaq:
Assit alutorsaatigiuaannarsimavakka. Pingaartumik assit inuttallit. Jette Bangip inunnik ataasiakkaanik assilisai, inunnillu oqaluttuarinninnerata qanissusiat, kimittussusiallu pissutaapput Institut for Eskimologimi ilinniarninni inaarutaasumik specialeliulerama allaaserissassatut ajornanngilluinnartumik toqqarakkit. Speciali atserpara: ”Jette Bang i billeder og ord 1940 – 1961 – Fotografiet som broskaber” 2003. ’’Jette Bang assini oqaatsinilu 1940-mit 1961-mit – Assit attaveqalersitsisut’ 2003. Specialera suliaritillugu paasivara assit katersat ajunnginnerusumik inissinneqarsinnaasut. Suliassatullu aaqqissuullugu: ”Jette Bangip assilisaasa Kalaallit Nunaannut utertinneqarnerat’ ’Tilbageførelsen af Jette Bang samlingen til Grønland”, tassanilu uku suliassaapput: negativit pappiaqqanut seernartoqanngitsunut (asiusiunissaat pinngitsoorniarlugu) nuutsernissaat, katersat 1 aamma 11-t qarasaasiamut nutserneri, nalunaarsornerilu quppernermut: www.arktiskebilleder.dk, kiisalu Kalaallit Nunaanni illoqarfinni katersugaasivinni saqqummersinneqarnissaat. Taamaalillunga katersat siunissami piunissaat isumannaassavara, kiisalu kalaallit soqutiginnittullu allat assit alutornarluinnartut takunissaannik periarfissillugit. Assit salliutillugit oqaloqatigiinnermi paasissutissat nutaat katersorneqassapput.