Jette Bang:
Jette Bang (1914 – 1964) Kalaallit Nunaannut siullermik aallarpoq 1936-mi. Taamanikkut 22-nik ukioqarpoq, assiliisutut neqeroorutinik assiliisarfimmi Jonals Co. Københavnimi ilinniarnini naammaseqqammerlugu. Taamanikkut Kalaallit Nunaat qallunaat nunasiaatigaat, inuinnarnullu Kalaallit Nunaanut Kalaallillu Nunaannit aallarnissaq inerteqqutaavoq. Kinaluunniit nunami angalasinnaanngilaq Grønlands Styrelsimit akuerineqaqqaartinnani.
Taamatut annikitsuinnarmik ilisimatsitsinerup Knud Rasmussinnip Peter Freuchenillu angalanilikkersaarutaasa nuna inuilu oqaluttualiatut eqqumiilluinnartut isikkoqalersippaat.
Jette Bangip kalaallit ’suli avataanit sunnerneqarsimanngitsut’ alutorilluinnarsimavai, pinngortitamik atuinerat, inooriaasiallu. Taakkorpiaat siullermik Kalaallit Nunaannut assiliiartorluni aallarami assut soqutigisimavai.
Taakku saniatigut Jette Bangip assiliineq taamanikkut mutiusoq sumut atorneqarsinnaanersoq takutippaa inuiaqatigiit ataatsit samminerini. Assilisai ullumikkumuttaaq tunngassuteqarput.

Jette Bang Kalaallit Nunaanni angalavoq assiliillunilu ukiuni: 1936, 1937, 1938 -1939, 1945, 1956, 1961, 1962, 1963.