KINAANA Kalaallit Nunaanni illoqarfiit katersugaasiviini assinik saqqummersitinerup ateraa, tamannalu pissaaq upernaami aasamilu 2006-mi. Assit saqqummersitat tamarmik assiliisup Jette Bangip (1914-1964) katersugaataaneerput, nammineq assilisarpassuinit. Taakku 12.000-nik amerlassuseqarput, quppernermilu uani takuneqarsinnaallutik: www.arktiskebilleder.dk. Assit 1936-mit 1962-mut assilineqarsimapput. Assinik saqqummersitsinerup immikkoorutigaa katersugaasiviit tamarmik immikkut illoqarfimmeersunik assinik piffissani aalajangersimasuni pisunit saqqummersitsissammata.
Eskimologip Leise Johnsenip ukiuni arlalinni saqqummersitassat aaqqissuullugillu suliarisimavai. Leise upernaaq aasarlu 2006 katersugaasivinnut tamanut illoqarfimmit illoqarfimmut angalaassaaq. Siunertaraa assit pillugit paasissutissanik oqaluttuanillu katersuissalluni, kiisalu Jette Bangip Kalaallit Nunaanni suliarisimasai saqqummiutissallugit.