Assit pillugit:
Assit saqqummersinneqartut 1936-mit 1956-mut katersukkani 1-meersuupput, katersukkat 11-milu ukiuni 1961-mit 1962-mut. Assit filmimik imusamik assiliivimmik Rolleiflex-mik assilisaapput. Filmip negativia 6x6 aamma 6x9 angissuseqarput.
Jette Bangip aallaqqaataani Kalaallit Nunaata qaamanera silaannaalu ersersaaffigissallugit sungiusimannginnamigit angalanermini siullermi 1936-mi assilisani siulliit umiarsuarmik periarfissaqaraangat nunaminut nassiuttarsimavai. Filmit Jonals Co.-mi ersersarneqartarsimapput. Tamatuma kingorna assiliivimmi iluamik ersarinnerusumillu assiliisinnaanngorlugu aaqqinnisaata ilitersuutai telegrammikkut tigusarsimavai. Jonals Co. Assiliisarfik siumukarlunilu nutaaliortuusimavoq. Assiliisarfiup assilisaasa pitsaaqutigisimavaat qaamanermiitut alanngumiittullu atorluarsimagamigit, assilisassat saarpiamut inissinnagit assiliisaramik, pisut ingerlaneri tulleriaarlugit assileqattaarlugit takutissinnaallugit, kiisalu assilisaat ersarilluinnarsimagamik. Jette Bangip assilisai taamatut ittuupput, isiginnaarnissaallu nuannernerulersillugu. Assileeriaatsip saniatigut assit takutippaat pisup tupinnaannartumik qanittutut pissuseqarnera, soorlu piumassuserinngisamik nutsuisut. Assilisat inuiannik aalajangersimasunik takutitsiinnanngillat.